کھاریاں (جی پی آئی) ممتاز سیاسی و سماجی شخصیت چوہدری فرخ مجید نے کہا ہے کہ کھاریاں کی تعمیر و ترقی کی اور عوام کی فلاح و بہبود کی خاطر ہی محنت کر رہا ہوں بلدیاتی الیکشن میں کھاریاں کے لئے کام کرنے والوں کا ساتھ دیا مگر میں بار ہا یہ اعلان کر چکا ہوں کہ اگر ان لوگوں نے شہر کی تعمیر و ترقی اور فلاح و بہبود کے لئے کام نہ کیا تو میرے دوران کے راستے جدا ہو جائیں گے۔ عوام نے PTI کے امیدواروں پر بھرپور اعتماد کیا ہے اور حالیہ ضمنی الیکشن میں وارڈ نمبر3میں بھی پھر عوام نے اعتماد کیا جس پر ہم بے حد مشکور ہیں اللہ تعالیٰ نے ہمیں عزت سے سرفراز فرمایا ہم جتنا بھی شکر ادا کریں کم ہے کھاریاں سے ٹیکس تو برابر لیا جا رہا ہے مگر شہر کی حالت آج تک نہیں سدھر سکی جو کہ شہر اور عوام سے سوتیلی ماں جیسے سلوک کی زندہ مثال ہے کھاریاں کے متعدد اوورسیز پاکستانی ہر ماہ کروڑوں روپے کا زرمبادلہ بھیج رہے ہیں مگر ان کی سہولیات کے لئے کچھ نہیں کیا جا رہا صرف زبانی جمع تفریق اور بیان بازی پر ٹرخایا جا رہا ہے میں نے دن رات ایک کر کے ووٹ حاصل کئے ہیں اب ان کا صلہ بھی حاصل کروں گا۔ PTI کے منتخب بلدیاتی نمائندے بھرپور انداز میں پورے ذمہ داری کے ساتھ کھاریاں کے شہریوں کی خدمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) تحصیل انتظامیہ مچھر مار سپرے کروائے تاکہ عوام ملیریا اور ڈینگی جیسے موذی امراض سے محفوظ رہ سکیں۔ کھاریاں کے عوامی حلقے سخت تشویش میں مبتلا ہیں کہ انتظامیہ عملی طور پر کچھ نہیں کر رہی صرف واک کروا کر بری الذمہ ہو رہی ہے مچھر مارسپرے اشد ضروری ہے فوری طور پر شروع کروایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) مسلم لیگ(ن) تعمیر و ترقی کے لئے عملی اقدامات پر یقین رکھتی ہے اور عمل جاری بھی ہے ترقی کے دشمن سازشیں کر کے ترقی کی راہ میں رووڑے اٹکانے کی ناکام کوششیں کر رہے ہیں پانامہ لیکس انٹرنیشنل سازش ہے جو کہ سابقہ سازشوں کی طرح ناکام ہو گی میاں نواز شریف صحت یاب ہونے کے بعد فوری طور پر وطن پہنچیں گے اور کمیشن بنا کر اپنا وعدہ پورا کریں گے دھرنوں اور جلسوں سے ملک اور جمہوریت کو فائدہ نہیں بلکہ نقصان ہو رہا ہے عوام نے دھرنوں کی سیاست کو مسترد کر دیا ہے انشاء اللہ تمام سازشیں ناکام ہوں گی اور عوام آزاد کشمیر کے الیکشن میں مسلم لیگ(ن) کو ہی کامیاب بنائیں گے ان خیالات کا اظہار ممبر صوبائی اسمبلی حلقہ پی پی 115 چوہدری شبیر احمد کوٹلہ نے کیا۔ انہوں نے کہا کہ ہم میاں برادران کے تعمیر وترقی اور خوشحالی کے ویژن پر عمل پیرا ہیں اور حلقہ این اے 107، پی پی 115میں اس ویژن کو عملی جامہ پہنا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) انگلش طریقہ علاج کی طرح ہومیو پیتھک طریقہ علاج میں بھی وقت کے ساتھ ساتھ جدت لائی جا رہی ہے اور تیز ترین اثر کرنے والی ادویات بھی ہومیو پیتھی میں موجود ہیں اس طریقہ علاج میں بھی جدید ترین تحقیقات کر کے علاج دریافت کئے جا رہے ہیں تمام بیماریوں کا موثر علاج موجود ہے مگر صحیح تشخیص ضروری ہے ۔ ان خیالات کا اظہار معروف ہومیو معالج پروفیسر ڈاکٹر فیصل نواب محمدی سیفی نے کیا۔ انہوں نے کہا کہ شفاء منجانب اللہ ہے مگر معالج کے لئے بھی ضروری ہے کہ وہ پہلے صحیح تشخیص کر کے اس کے بعد نسخہ لکھے انہوں نے مزید کہا کہ ہومیو پیتھک میں بھی تمام بیماریوں کا شافی علاج موجود ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) ایس ایچ او تھانہ صدر کھاریاں چوہدری شہباز ہنجرا نے کہا کہ تھانہ کی حدود میں جرائم کو پنپنے نہیں دیں گے ہم نے ہمیشہ اپنے فرائض کو احسن طریقہ سے نبھانے کی کوشش کی کبھی بھی اپنی ذمہ داریوں میں غفلت نہیں برتی یہی وجہ ہے کہ ہم نے کھاریاں سے جرائم کا بڑی حد تک قلع قمع کر دیا ہے ان خیالات کا اظہار انہوں نے ”ہمارے درمیان” سے خصوصی گفتگو کرتے ہوئے کیا۔ انہوں نے کہا کہ ہم نے تھانہ صدر کھاریاں کو مکمل طور پر خدمتگاہ بنا دیا ہے کوئی بھی سائل کسی بھی وقت بغیر کسی سفارش کے اپنے مسئلہ کے حل کے لئے رابطہ کر سکتا ہے انشاء اللہ اُس کے ساتھ پورا پورا انصاف ہوگا۔ انہوں نے کہا کہ ہر خاص و عام ہمارے لئے محترم اور قانون سب کے لئے برابر ہے انہوں نے کہا کہ تھانہ صدر کھاریاں میں تعینات کوئی بھی اہلکار قانون سے ماورا نہیں اگر کوئی بھی شہری کسی اہلکار کو ڈیوٹی کی انجام دہی میں سستی کا مرتکب پائے یا فرائض میں غفلت کا مرتکب پائے تو براہ راست میرے نوٹس میں لائے کسی قسم کی غفلت یا کوتاہی برداشت نہیں کی جائے گی۔ انہوں نے کہا کہ جرائم پیشہ افراد یا تو علاقہ چھوڑ دیں یا جرائم سے توبہ کرلیں ورنہ قانون کے آہنی شکنجے میں جھکڑے جانے کے لئے خود کو ذہنی طور پر تیار کرلیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں(جی پی آئی) پاک افواج واحد ادارہ ہے جو وطن عزیز کے استحکام اور سلامتی کا ضامن ہے۔ دہشت گردی کی عفریت کے سامنے پوری دنیا بے بسی تھی جسے ہماری افواج کے شیر دل اور جذبہ شہادت سے سرشار جوانوں نے نیست و نابود کرنے کے لئے اپنی پیشہ وارانہ صلاحیتیں بروئے کار لاتے ہوئے تقریباً انجام تک پہنچا دیا ہے ان خیالات کا اظہار قاضی توقیر حسین نے خصوصی گفتگو کرتے ہوئے کیا۔ انہوں نے کہا کہ افواج پاکستان نے دہشت گردی کے خاتمہ کے لئے جو کردار ادا کیا ہے اس کی مثال تاریخ میں ملنا مشکل ہے۔ انہوں نے کہا کہ سپہ سالار اعظم جنرل راحیل شریف کی قیادت میں پاک افواج کے جوان آپریشن ”ضرب عضب ” کے ذریعے دہشت گردوں کو واصل جہنم کرنے میں مصروف عمل ہیں یہ پاک افواج کے آپریشن کا ہی نتیجہ ہے کہ دہشت گردوں کو پورے ملک میں کہیں جائے پناہ نہیں مل پا رہی ہے ہم مسلح افواج کے ہر ہر جوان کو جرات اور بہادری کی تاریخ رقم کرنے پر خراج تحسین پیش کرتے ہیں۔
